ਫ੍ਰੀਕੁਐਂਸੀ ਡਿਕਸ਼ਨਰੀ ਕੀ ਹੈ? ਸਭ ਤੋਂ ਆਮ ਸ਼ਬਦ ਪਹਿਲਾਂ ਸਿੱਖੋ

ਫ੍ਰੀਕੁਐਂਸੀ ਡਿਕਸ਼ਨਰੀ ਕਿਸੇ ਭਾਸ਼ਾ ਦੇ ਸ਼ਬਦਾਂ ਦੀ ਸੂਚੀ ਹੈ, ਜੋ ਇਸ ਕ੍ਰਮ ਵਿੱਚ ਲੱਗੀ ਹੁੰਦੀ ਹੈ ਕਿ ਲੋਕ ਉਹਨਾਂ ਨੂੰ ਅਸਲ ਵਿੱਚ ਕਿੰਨੀ ਵਾਰ ਵਰਤਦੇ ਹਨ। ਇਸ ਕ੍ਰਮ ਵਿੱਚ ਸਿੱਖਣ ਦਾ ਫ਼ਾਇਦਾ ਜਲਦੀ ਮਿਲਦਾ ਹੈ: ਅੰਗਰੇਜ਼ੀ ਵਿੱਚ ਸਭ ਤੋਂ ਆਮ 1,000 ਸ਼ਬਦ ਬੋਲਚਾਲ ਦਾ ਲਗਭਗ 85% ਹਿੱਸਾ ਹਨ। ਇਸੇ ਲਈ ਸ਼ਬਦ-ਭੰਡਾਰ ਬਣਾਉਣ ਲਈ ਇਹ ਸਭ ਤੋਂ ਸਮਝਦਾਰ ਸ਼ੁਰੂਆਤ ਹੈ।

“ਮੈਨੂੰ ਇਹ ਸ਼ਬਦ ਨਹੀਂ ਆਉਂਦਾ।” “ਇਸ ਦਾ ਕੀ ਮਤਲਬ ਹੈ?” “ਇਸ ਨੂੰ ਕਿਵੇਂ ਵਰਤਾਂ?” ਹਰ ਭਾਸ਼ਾ ਸਿੱਖਣ ਵਾਲਾ ਇਹ ਸਵਾਲ ਪੁੱਛਦਾ ਹੈ, ਅਤੇ ਇਸ ਦਾ ਠੋਸ ਕਾਰਨ ਹੈ। ਲੋੜ ਜਿੰਨੇ ਸ਼ਬਦ ਨਾ ਆਉਣਾ, ਜਾਂ ਸਹੀ ਸ਼ਬਦ ਨਾ ਆਉਣਾ, ਜ਼ਿਆਦਾਤਰ ਗ਼ਲਤਫ਼ਹਿਮੀਆਂ ਦੀ ਜੜ੍ਹ ਹੈ, ਅਤੇ ਪੜ੍ਹਨ-ਲਿਖਣ ਵਿੱਚ ਆਉਣ ਵਾਲੀਆਂ ਮੁਸ਼ਕਲਾਂ ਦੀ ਵੀ।

ਮੁਸ਼ਕਲ ਇਹ ਹੈ ਕਿ ਹਰ ਭਾਸ਼ਾ ਵਿੱਚ ਸ਼ਬਦਾਂ ਦੀ ਗਿਣਤੀ ਬੇਹੱਦ ਵੱਡੀ ਹੁੰਦੀ ਹੈ। ਇਕੱਲੀ Oxford English Dictionary (ਆਕਸਫ਼ੋਰਡ ਦੀ ਵੱਡੀ ਅੰਗਰੇਜ਼ੀ ਡਿਕਸ਼ਨਰੀ) ਵਿੱਚ ਲਗਭਗ 600,000 ਅੰਗਰੇਜ਼ੀ ਸ਼ਬਦ ਹਨ। ਇਹ ਸਾਰੇ ਕੋਈ ਨਹੀਂ ਸਿੱਖਦਾ, ਇਸ ਲਈ ਅਸਲ ਸਵਾਲ ਇਹ ਹੈ ਕਿ ਪਹਿਲਾਂ ਕਿਹੜੇ ਸ਼ਬਦ ਸਿੱਖੀਏ। ਫ੍ਰੀਕੁਐਂਸੀ ਡਿਕਸ਼ਨਰੀ ਇਸੇ ਸਵਾਲ ਦਾ ਜਵਾਬ ਦਿੰਦੀ ਹੈ।

ਫ੍ਰੀਕੁਐਂਸੀ ਡਿਕਸ਼ਨਰੀ ਕੀ ਹੁੰਦੀ ਹੈ?

ਫ੍ਰੀਕੁਐਂਸੀ ਡਿਕਸ਼ਨਰੀ (ਬਾਰੰਬਾਰਤਾ ਸ਼ਬਦਕੋਸ਼) ਉਹਨਾਂ ਸ਼ਬਦਾਂ ਦੀ ਸੂਚੀ ਹੈ ਜੋ ਕਿਸੇ ਭਾਸ਼ਾ ਦੇ ਲਿਖਤੀ ਜਾਂ ਬੋਲੇ ਗਏ ਟੈਕਸਟਾਂ ਵਿੱਚ ਸਭ ਤੋਂ ਵੱਧ ਆਉਂਦੇ ਹਨ। ਭਾਸ਼ਾ ਵਿਗਿਆਨੀ ਇਸ ਨੂੰ ਅਸਲ ਟੈਕਸਟਾਂ ਦੇ ਇੱਕ ਵੱਡੇ ਸੰਗ੍ਰਹਿ ਵਿੱਚ ਸ਼ਬਦ ਗਿਣ ਕੇ ਬਣਾਉਂਦੇ ਹਨ। ਅਜਿਹੇ ਸੰਗ੍ਰਹਿ ਨੂੰ ਕਾਰਪਸ ਕਿਹਾ ਜਾਂਦਾ ਹੈ।

ਇਹ ਸੂਚੀ ਕਈ ਤਰੀਕਿਆਂ ਨਾਲ ਕ੍ਰਮਬੱਧ ਕੀਤੀ ਜਾ ਸਕਦੀ ਹੈ:

• ਬਾਰੰਬਾਰਤਾ ਅਨੁਸਾਰ, ਸਭ ਤੋਂ ਆਮ ਸ਼ਬਦ ਤੋਂ ਹੇਠਾਂ ਵੱਲ;
• ਸਮੂਹਾਂ ਵਿੱਚ, ਜਿਵੇਂ ਪਹਿਲਾਂ ਸਭ ਤੋਂ ਆਮ ਪਹਿਲੇ ਹਜ਼ਾਰ ਸ਼ਬਦ, ਫਿਰ ਦੂਜੇ ਹਜ਼ਾਰ;
• ਵਰਣਮਾਲਾ ਅਨੁਸਾਰ;
• ਆਮਤਾ ਅਨੁਸਾਰ, ਯਾਨੀ ਉਹ ਸ਼ਬਦ ਜੋ ਜ਼ਿਆਦਾਤਰ ਕਿਸਮਾਂ ਦੇ ਟੈਕਸਟਾਂ ਵਿੱਚ ਆਮ ਮਿਲਦੇ ਹਨ।

ਫ੍ਰੀਕੁਐਂਸੀ ਸੂਚੀਆਂ ਭਾਸ਼ਾਵਾਂ ਸਿੱਖਣ ਅਤੇ ਸਿਖਾਉਣ, ਨਵੀਆਂ ਡਿਕਸ਼ਨਰੀਆਂ ਲਿਖਣ ਅਤੇ ਕੰਪਿਊਟੇਸ਼ਨਲ ਭਾਸ਼ਾ ਵਿਗਿਆਨ ਵਿੱਚ ਵਰਤੀਆਂ ਜਾਂਦੀਆਂ ਹਨ। ਪਰ ਸਿਖਿਆਰਥੀ ਲਈ ਇਹਨਾਂ ਦਾ ਇੱਕ ਵੱਡਾ ਕੰਮ ਹੈ: ਇਹ ਦੱਸਣਾ ਕਿ ਕਿਹੜੇ ਸ਼ਬਦ ਸਭ ਤੋਂ ਪਹਿਲਾਂ ਤੁਹਾਡੇ ਧਿਆਨ ਦੇ ਹੱਕਦਾਰ ਹਨ।

ਸਭ ਤੋਂ ਆਮ ਸ਼ਬਦ ਪਹਿਲਾਂ ਕਿਉਂ ਸਿੱਖਣੇ ਚਾਹੀਦੇ ਹਨ?

ਕਿਉਂਕਿ ਕਿਸੇ ਵੀ ਭਾਸ਼ਾ ਵਿੱਚ ਥੋੜ੍ਹੇ ਜਿਹੇ ਸ਼ਬਦ ਹੀ ਜ਼ਿਆਦਾਤਰ ਕੰਮ ਕਰਦੇ ਹਨ। ਭਾਸ਼ਾ ਵਿਗਿਆਨੀ ਇਸ ਪੈਟਰਨ ਨੂੰ ਜ਼ਿਪਫ਼ ਦਾ ਨਿਯਮ ਕਹਿੰਦੇ ਹਨ: ਸਭ ਤੋਂ ਆਮ ਸ਼ਬਦ ਦੂਜੇ ਨੰਬਰ ਵਾਲੇ ਸ਼ਬਦ ਨਾਲੋਂ ਲਗਭਗ ਦੁੱਗਣੀ ਵਾਰ ਆਉਂਦਾ ਹੈ, ਤੀਜੇ ਨੰਬਰ ਵਾਲੇ ਨਾਲੋਂ ਤਿੰਨ ਗੁਣਾ ਵਾਰ, ਅਤੇ ਸੂਚੀ ਵਿੱਚ ਹੇਠਾਂ ਵੱਲ ਇਸੇ ਤਰ੍ਹਾਂ।

ਅੰਗਰੇਜ਼ੀ ਲਈ, ਸ਼ਬਦ-ਭੰਡਾਰ ਦੇ ਖੋਜੀ ਪੌਲ ਨੇਸ਼ਨ (Paul Nation) ਨੇ 1990 ਵਿੱਚ ਦਿਖਾਇਆ ਕਿ ਸਭ ਤੋਂ ਆਮ 1,000 ਸ਼ਬਦ ਬੋਲਚਾਲ ਦਾ ਲਗਭਗ 85% ਹਿੱਸਾ ਬਣਾਉਂਦੇ ਹਨ, ਅਤੇ ਸਭ ਤੋਂ ਆਮ 4,000-5,000 ਸ਼ਬਦ ਕਿਸੇ ਲਿਖਤੀ ਟੈਕਸਟ ਦਾ 95% ਤੱਕ ਹਿੱਸਾ। ਉਹਨਾਂ ਦੇ ਅੰਕੜੇ ਅੰਗਰੇਜ਼ੀ ਦੇ ਹਨ, ਪਰ ਜ਼ਿਪਫ਼ ਦਾ ਨਿਯਮ ਬਹੁਤ ਸਾਰੀਆਂ ਭਾਸ਼ਾਵਾਂ ਵਿੱਚ ਲਾਗੂ ਹੁੰਦਾ ਹੈ, ਇਸ ਲਈ ਇਹੀ ਵਿਚਾਰ ਉਹਨਾਂ ਉੱਤੇ ਵੀ ਕੰਮ ਕਰਦਾ ਹੈ।

ਇਸ ਲਈ ਸ਼ਬਦਾਂ ਨੂੰ ਬਾਰੰਬਾਰਤਾ ਦੇ ਕ੍ਰਮ ਵਿੱਚ ਸਿੱਖਣ ਨਾਲ ਸਭ ਤੋਂ ਤੇਜ਼ ਨਤੀਜਾ ਮਿਲਦਾ ਹੈ। ਸੂਚੀ ਦੇ ਸਿਖਰ ਨੇੜੇ ਵਾਲਾ ਹਰ ਸ਼ਬਦ ਤੁਸੀਂ ਵਾਰ-ਵਾਰ ਸੁਣੋਗੇ ਅਤੇ ਪੜ੍ਹੋਗੇ। ਜੇ ਤੁਸੀਂ ਅੰਗਰੇਜ਼ੀ ਸਿੱਖ ਰਹੇ ਹੋ, ਤਾਂ ਪਹਿਲਾ ਵਧੀਆ ਡੈੱਕ ਇਹ ਹੈ: ਸਭ ਤੋਂ ਆਮ 100 ਅੰਗਰੇਜ਼ੀ ਸ਼ਬਦ ਉਚਾਰਨ ਸਮੇਤ।

ਦੋ ਇਮਾਨਦਾਰ ਚੇਤਾਵਨੀਆਂ। ਪਹਿਲੀ, ਸ਼ਬਦ ਗਿਣਨਾ ਓਨਾ ਸੌਖਾ ਨਹੀਂ ਜਿੰਨਾ ਲੱਗਦਾ ਹੈ: ਕੀ “ਸੋਨੇ ਦਾ ਹਾਰ” ਵਾਲਾ “ਹਾਰ” ਉਹੀ ਸ਼ਬਦ ਹੈ ਜੋ “ਮੈਚ ਵਿੱਚ ਹਾਰ” ਵਾਲਾ ਹੈ? ਦੂਜੀ, ਫ੍ਰੀਕੁਐਂਸੀ ਸੂਚੀ ਨੂੰ ਕਦੇ ਵੀ ਆਪਣਾ ਇਕਲੌਤਾ ਮਾਰਗਦਰਸ਼ਕ ਨਾ ਬਣਾਓ। ਇਹ ਸ਼ੁਰੂਆਤ ਲਈ ਬਹੁਤ ਵਧੀਆ ਹੈ, ਪਰ ਤੁਹਾਨੂੰ ਆਪਣੀਆਂ ਰੁਚੀਆਂ, ਕੰਮ ਅਤੇ ਰੋਜ਼ਾਨਾ ਜ਼ਿੰਦਗੀ ਨਾਲ ਜੁੜੇ ਸ਼ਬਦ ਵੀ ਚਾਹੀਦੇ ਹਨ।

ਰਵਾਨੀ ਨਾਲ ਬੋਲਣ ਲਈ ਕਿੰਨੇ ਸ਼ਬਦ ਆਉਣੇ ਚਾਹੀਦੇ ਹਨ?

ਮੇਰੇ ਤਜਰਬੇ ਵਿੱਚ, ਕਿਸੇ ਵਿਦੇਸ਼ੀ ਭਾਸ਼ਾ ਵਿੱਚ ਪੂਰੀ ਤਰ੍ਹਾਂ ਗੱਲਬਾਤ ਕਰਨ ਲਈ ਲਗਭਗ 10,000 ਸ਼ਬਦ ਚਾਹੀਦੇ ਹਨ। ਖੋਜ ਵੀ ਇਸੇ ਪਾਸੇ ਇਸ਼ਾਰਾ ਕਰਦੀ ਹੈ: 2006 ਦੇ ਇੱਕ ਅਧਿਐਨ ਵਿੱਚ ਪੌਲ ਨੇਸ਼ਨ ਨੇ ਅੰਦਾਜ਼ਾ ਲਾਇਆ ਕਿ ਕਿਸੇ ਟੈਕਸਟ ਦੇ ਲਗਭਗ 98% ਸ਼ਬਦ ਸਮਝਣ ਲਈ ਬੋਲੀ ਜਾਣ ਵਾਲੀ ਅੰਗਰੇਜ਼ੀ ਵਿੱਚ 6,000-7,000 ਸ਼ਬਦ-ਪਰਿਵਾਰ ਅਤੇ ਲਿਖਤੀ ਅੰਗਰੇਜ਼ੀ ਵਿੱਚ 8,000-9,000 ਸ਼ਬਦ-ਪਰਿਵਾਰ ਚਾਹੀਦੇ ਹਨ। ਸ਼ਬਦ-ਪਰਿਵਾਰ ਇੱਕ ਮੂਲ ਸ਼ਬਦ ਅਤੇ ਉਸ ਦੇ ਰੂਪਾਂ ਨੂੰ ਕਹਿੰਦੇ ਹਨ, ਜਿਵੇਂ ਪੰਜਾਬੀ ਵਿੱਚ “ਪੜ੍ਹਨਾ”, “ਪੜ੍ਹਿਆ” ਅਤੇ “ਪੜ੍ਹਾਈ”। ਧਿਆਨ ਰਹੇ ਕਿ ਨੇਸ਼ਨ ਦੇ ਇਹ ਅੰਕੜੇ ਅੰਗਰੇਜ਼ੀ ਲਈ ਹਨ।

ਕ੍ਰਮ ਵੀ ਗਿਣਤੀ ਜਿੰਨਾ ਹੀ ਅਹਿਮ ਹੈ। ਜੇ ਤੁਸੀਂ 10,000 ਬੇਤਰਤੀਬ ਸ਼ਬਦ ਸਿੱਖ ਲਓ, ਤਾਂ ਤੁਸੀਂ ਅਸਲ ਬੋਲਚਾਲ ਉਸ ਵਿਅਕਤੀ ਨਾਲੋਂ ਕਿਤੇ ਘੱਟ ਸਮਝੋਗੇ ਜਿਸ ਨੇ ਸਭ ਤੋਂ ਆਮ 10,000 ਸ਼ਬਦ ਸਿੱਖੇ ਹਨ। ਇਸੇ ਲਈ ਮੈਂ ਹਮੇਸ਼ਾ ਫ੍ਰੀਕੁਐਂਸੀ ਡਿਕਸ਼ਨਰੀ ਤੋਂ ਸ਼ੁਰੂ ਕਰਨ ਦੀ ਸਲਾਹ ਦਿੰਦਾ ਹਾਂ, ਭਾਵੇਂ ਤੁਸੀਂ ਆਨਲਾਈਨ ਅੰਗਰੇਜ਼ੀ ਸਿੱਖ ਰਹੇ ਹੋ ਜਾਂ ਕੋਈ ਹੋਰ ਭਾਸ਼ਾ। ਇਹ ਰੋਜ਼ਾਨਾ ਰੁਟੀਨ ਵਿੱਚ ਕਿਵੇਂ ਫਿੱਟ ਹੁੰਦਾ ਹੈ, ਇਹ ਮੈਂ ਆਪਣੀ ਗਾਈਡ ਅੰਗਰੇਜ਼ੀ ਜਲਦੀ ਕਿਵੇਂ ਸਿੱਖੀਏ ਵਿੱਚ ਦੱਸਿਆ ਹੈ।

Lingocard ਦੀਆਂ ਫ੍ਰੀਕੁਐਂਸੀ ਡਿਕਸ਼ਨਰੀਆਂ ਕਿਵੇਂ ਬਣਦੀਆਂ ਹਨ?

Lingocard ਦੀਆਂ ਫ੍ਰੀਕੁਐਂਸੀ ਡਿਕਸ਼ਨਰੀਆਂ ਖ਼ਾਸ ਐਲਗੋਰਿਦਮਾਂ ਨਾਲ ਤਿਆਰ ਕੀਤੀਆਂ ਜਾਂਦੀਆਂ ਹਨ, ਜੋ ਇਹ ਵਿਸ਼ਲੇਸ਼ਣ ਕਰਦੇ ਹਨ ਕਿ ਵਿਸ਼ਵ ਸਾਹਿਤ ਦੀਆਂ ਸਭ ਤੋਂ ਮਸ਼ਹੂਰ ਕਿਤਾਬਾਂ ਵਿੱਚ ਕਿਹੜਾ ਸ਼ਬਦ ਕਿੰਨੀ ਵਾਰ ਵਰਤਿਆ ਗਿਆ ਹੈ। ਇਸ ਲਈ ਹਰ ਸੂਚੀ ਦੇ ਸਿਖਰ ਵਾਲੇ ਸ਼ਬਦ ਉਹੀ ਹੁੰਦੇ ਹਨ ਜੋ ਪੜ੍ਹਦੇ ਅਤੇ ਸੁਣਦੇ ਸਮੇਂ ਤੁਹਾਨੂੰ ਸੱਚਮੁੱਚ ਮਿਲਣਗੇ।

ਹਰ ਡਿਕਸ਼ਨਰੀ ਸੌਖੇ ਹਿੱਸਿਆਂ ਵਿੱਚ ਵੰਡੀ ਹੁੰਦੀ ਹੈ। ਮਿਸਾਲ ਵਜੋਂ, ਵੈੱਬ ਐਪ ਵਿੱਚ ਸਪੇਨੀ ਫ੍ਰੀਕੁਐਂਸੀ ਡਿਕਸ਼ਨਰੀ ਪਹਿਲੇ 500 ਮੁੱਢਲੇ ਸ਼ਬਦਾਂ ਨਾਲ ਸ਼ੁਰੂ ਹੁੰਦੀ ਹੈ, ਫਿਰ 500 ਤੋਂ 1,000 ਤੱਕ, ਅਤੇ ਇਸੇ ਤਰ੍ਹਾਂ 500-500 ਸ਼ਬਦਾਂ ਦੇ ਹਿੱਸਿਆਂ ਵਿੱਚ 5,000 ਤੱਕ ਜਾਂਦੀ ਹੈ। ਉਸ ਤੋਂ ਬਾਅਦ 5,000 ਤੋਂ 10,000 ਤੱਕ ਦਾ ਇੱਕ ਹਿੱਸਾ ਆਉਂਦਾ ਹੈ। ਇਹਨਾਂ ਦੇ ਨਾਲ ਹੀ ਤੁਹਾਨੂੰ ਸ਼ੁਰੂਆਤੀ ਅਤੇ ਦਰਮਿਆਨੇ ਪੱਧਰ ਲਈ ਮੁੱਢਲੇ ਵਾਕਾਂ ਦੇ ਡੈੱਕ ਵੀ ਮਿਲਣਗੇ।

ਫ੍ਰੀਕੁਐਂਸੀ ਸੂਚੀ ਦੇ ਨਾਲ ਮੁੱਢਲੇ ਵਾਕ ਕਿਉਂ ਸਿੱਖੀਏ?

ਸਿਰਫ਼ ਸ਼ਬਦਾਂ ਨਾਲ ਰਵਾਨੀ ਨਹੀਂ ਆਉਂਦੀ। ਤੁਸੀਂ ਸ਼ਾਇਦ ਦੇਖਿਆ ਹੋਵੇਗਾ ਕਿ ਵਿਦੇਸ਼ੀ ਭਾਸ਼ਾ ਬੋਲਣ ਵਾਲੇ ਲੋਕ ਅਕਸਰ ਵਾਕ ਦੇ ਵਿਚਕਾਰ ਰੁਕ ਕੇ ਅਗਲਾ ਸ਼ਬਦ ਲੱਭਣ ਲੱਗਦੇ ਹਨ, ਅਤੇ ਇਹ ਠਹਿਰਾਅ ਦੋਵਾਂ ਧਿਰਾਂ ਲਈ ਗੱਲਬਾਤ ਔਖੀ ਕਰ ਦਿੰਦੇ ਹਨ।

ਇਸੇ ਲਈ ਮੈਂ ਸਲਾਹ ਦਿੰਦਾ ਹਾਂ ਕਿ ਆਪਣੀ ਫ੍ਰੀਕੁਐਂਸੀ ਡਿਕਸ਼ਨਰੀ ਦੇ ਨਾਲ-ਨਾਲ ਪੂਰੇ ਮੁੱਢਲੇ ਵਾਕ, ਜਾਂ ਆਪਣੀ ਲੋੜ ਵਾਲੇ ਵਿਸ਼ਿਆਂ ਦੇ ਵਾਕ ਵੀ ਸਿੱਖੋ। ਯਾਦ ਕੀਤੇ ਵਾਕ ਤੁਹਾਨੂੰ ਤਿਆਰ ਢਾਂਚੇ ਅਤੇ ਸ਼ਬਦਾਂ ਦੇ ਮੇਲ ਦਿੰਦੇ ਹਨ। ਸਭ ਤੋਂ ਆਮ ਸ਼ਬਦਾਂ ਨਾਲ ਮਿਲ ਕੇ, ਇਹ ਤੁਹਾਨੂੰ ਸ਼ਬਦਾਂ ਦੇ ਕ੍ਰਮ ਬਾਰੇ ਰੁਕ ਕੇ ਸੋਚੇ ਬਿਨਾਂ ਪੂਰੇ ਵਾਕ ਜਲਦੀ ਬੋਲਣ ਦਿੰਦੇ ਹਨ।

ਘੰਟਿਆਂ ਬੱਧੀ ਬੈਠੇ ਬਿਨਾਂ ਫ੍ਰੀਕੁਐਂਸੀ ਡਿਕਸ਼ਨਰੀ ਕਿਵੇਂ ਯਾਦ ਕਰੀਏ

ਕਿਸ ਲਈ ਸਭ ਤੋਂ ਵਧੀਆ: ਹਰ ਉਹ ਵਿਅਕਤੀ ਜਿਸ ਨੇ ਸ਼ਬਦਾਂ ਦੀ ਵੱਡੀ ਸੂਚੀ ਡਾਊਨਲੋਡ ਕਰ ਲਈ ਹੈ ਅਤੇ ਸੋਚ ਰਿਹਾ ਹੈ ਕਿ ਇਸ ਨੂੰ ਪੂਰਾ ਕਿਵੇਂ ਕਰੇ।

ਜਦੋਂ ਫ੍ਰੀਕੁਐਂਸੀ ਡਿਕਸ਼ਨਰੀ ਤੁਹਾਡੇ ਹੱਥ ਆ ਜਾਂਦੀ ਹੈ, ਤਾਂ ਅਸਲ ਚੁਣੌਤੀ ਸ਼ੁਰੂ ਹੁੰਦੀ ਹੈ: ਥੋੜ੍ਹੇ ਜਿਹੇ ਵਿਹਲੇ ਸਮੇਂ ਵਿੱਚ ਬਹੁਤ ਸਾਰੇ ਨਵੇਂ ਸ਼ਬਦ ਯਾਦ ਕਰਨੇ। ਇਹ ਟੂਲ ਇਸ ਕੰਮ ਨੂੰ ਸੰਭਵ ਬਣਾਉਂਦੇ ਹਨ:

• ਸਪੇਸਡ ਰਿਪੀਟੀਸ਼ਨ। Lingocard ਦਾ ਸਪੇਸਡ ਰਿਪੀਟੀਸ਼ਨ ਸਿਸਟਮ ਹਰ ਸ਼ਬਦ ਨੂੰ ਠੀਕ ਉਦੋਂ ਵਾਪਸ ਲਿਆਉਂਦਾ ਹੈ ਜਦੋਂ ਤੁਸੀਂ ਉਸ ਨੂੰ ਭੁੱਲਣ ਵਾਲੇ ਹੁੰਦੇ ਹੋ, ਇਸ ਲਈ ਤੁਹਾਡਾ ਸਮਾਂ ਸਿਰਫ਼ ਉਹਨਾਂ ਸ਼ਬਦਾਂ ਉੱਤੇ ਲੱਗਦਾ ਹੈ ਜਿਨ੍ਹਾਂ ਨੂੰ ਇਸ ਦੀ ਲੋੜ ਹੈ।
• ਰੁਝੇਵੇਂ ਭਰੇ ਦਿਨਾਂ ਲਈ ਆਡੀਓ ਪਲੇਅਰ। Lingocard ਮੋਬਾਈਲ ਐਪ ਦਾ ਆਡੀਓ ਪਲੇਅਰ ਤੁਹਾਡੇ ਸ਼ਬਦ ਅਤੇ ਵਾਕ ਉੱਚੀ ਪੜ੍ਹ ਕੇ ਸੁਣਾਉਂਦਾ ਹੈ, ਇਸ ਲਈ ਤੁਸੀਂ ਗੱਡੀ ਚਲਾਉਂਦੇ ਜਾਂ ਸੈਰ ਕਰਦੇ ਹੋਏ ਵੀ ਪੜ੍ਹਾਈ ਕਰ ਸਕਦੇ ਹੋ। ਸਿੱਖੇ ਹੋਏ ਸ਼ਬਦਾਂ ਉੱਤੇ ਨਿਸ਼ਾਨ ਲਾ ਦਿਓ, ਫਿਰ ਤੁਸੀਂ ਸਿਰਫ਼ ਨਵੇਂ ਅਤੇ ਔਖੇ ਸ਼ਬਦ ਹੀ ਸੁਣੋਗੇ।
• ਤੁਹਾਡੀਆਂ ਆਪਣੀਆਂ ਤਸਵੀਰਾਂ। ਤਿਆਰ ਡਿਕਸ਼ਨਰੀਆਂ ਵਿੱਚ ਬਹੁਤ ਸਾਰੇ ਸ਼ਬਦ ਅਤੇ ਵਾਕ ਹੁੰਦੇ ਹਨ, ਇਸ ਲਈ ਫ਼ੋਨ ਵਿੱਚ ਥਾਂ ਬਚਾਉਣ ਲਈ ਇਹ ਤਸਵੀਰਾਂ ਤੋਂ ਬਿਨਾਂ ਆਉਂਦੀਆਂ ਹਨ। ਪਰ ਤੁਸੀਂ ਕਿਸੇ ਵੀ ਔਖੇ ਸ਼ਬਦ ਨਾਲ ਆਪ ਕੋਈ ਵੀ ਤਸਵੀਰ ਜੋੜ ਸਕਦੇ ਹੋ। ਆਪਣੀ ਚੁਣੀ ਤਸਵੀਰ ਮਨ ਵਿੱਚ ਇੱਕ ਵਾਧੂ ਜੁੜਾਵ ਬਣਾਉਂਦੀ ਹੈ, ਅਤੇ ਇਸ ਨਾਲ ਸ਼ਬਦ ਯਾਦ ਆਉਣਾ ਸੌਖਾ ਹੋ ਜਾਂਦਾ ਹੈ।
• ਦੋਵੇਂ ਦਿਸ਼ਾਵਾਂ। ਦੋਵੇਂ ਪਾਸੇ ਤੇਜ਼ੀ ਨਾਲ ਅਨੁਵਾਦ ਕਰ ਸਕਣਾ ਬਹੁਤ ਕੀਮਤੀ ਹੈ: ਵਿਦੇਸ਼ੀ ਭਾਸ਼ਾ ਤੋਂ ਆਪਣੀ ਮਾਂ-ਬੋਲੀ ਵਿੱਚ ਅਤੇ ਵਾਪਸ। ਐਪ ਦੀਆਂ ਸੈਟਿੰਗਾਂ ਵਿੱਚ ਤੁਸੀਂ ਚੁਣ ਸਕਦੇ ਹੋ ਕਿ ਕਾਰਡ ਦਾ ਕਿਹੜਾ ਪਾਸਾ ਪਹਿਲਾਂ ਦਿਖੇ।
• ਨਿਯਮਤ ਜਾਂਚ। ਜਿਹੜੇ ਕਾਰਡ ਤੁਸੀਂ ਪੜ੍ਹ ਲਏ ਹਨ, ਉਹਨਾਂ ਉੱਤੇ ਨਿਸ਼ਾਨ ਲਾਓ, ਫਿਰ ਤੁਸੀਂ ਉਹ ਸੂਚੀ ਕਿਸੇ ਵੀ ਡਿਵਾਈਸ ਉੱਤੇ ਖੋਲ੍ਹ ਕੇ ਆਪਣੀ ਪਰਖ ਕਰ ਸਕਦੇ ਹੋ ਅਤੇ ਆਪਣੀ ਤਰੱਕੀ ਦੇਖ ਸਕਦੇ ਹੋ।

ਹੋਰ ਤਰੀਕਿਆਂ ਲਈ ਸਾਡੀ ਗਾਈਡ ਭਾਸ਼ਾ ਸਿੱਖਣ ਲਈ ਫਲੈਸ਼ਕਾਰਡ ਅਤੇ ਸ਼ਬਦਾਵਲੀ ਸੁਧਾਰਨ ਦੇ 7 ਤਰੀਕੇ ਦੇਖੋ।

ਮੁਫ਼ਤ ਫ੍ਰੀਕੁਐਂਸੀ ਡਿਕਸ਼ਨਰੀਆਂ ਕਿੱਥੋਂ ਮਿਲਣਗੀਆਂ?

Lingocard ਵਿੱਚ 67 ਭਾਸ਼ਾਵਾਂ ਦੇ ਕਿਸੇ ਵੀ ਜੋੜ ਲਈ ਫ੍ਰੀਕੁਐਂਸੀ ਡਿਕਸ਼ਨਰੀਆਂ ਹਨ। ਮੁੱਢਲੀਆਂ ਡਿਕਸ਼ਨਰੀਆਂ ਸਾਈਨ ਅੱਪ ਕਰਦਿਆਂ ਹੀ ਮੁਫ਼ਤ ਮਿਲ ਜਾਂਦੀਆਂ ਹਨ, ਅਤੇ ਸਾਡੀ ਮੁਫ਼ਤ ਫਲੈਸ਼ਕਾਰਡ ਐਪ ਵਿੱਚ ਇਹਨਾਂ ਦੇ ਨਾਲ ਆਡੀਓ ਅਤੇ ਸਪੇਸਡ ਰਿਪੀਟੀਸ਼ਨ ਵੀ ਮਿਲਦੇ ਹਨ।

ਤੁਸੀਂ ਆਪਣੀ ਸਿੱਖਣ ਸਮੱਗਰੀ ਵੀ ਬਣਾ ਸਕਦੇ ਹੋ। ਕੰਪਿਊਟਰ ਉੱਤੇ ਵੈੱਬ ਐਪ ਦਾ ਕਾਰਡ ਮੈਨੇਜਰ, ਜੋ ਪ੍ਰੀਮੀਅਮ ਲਰਨਿੰਗ ਨਾਲ ਮਿਲਦਾ ਹੈ, ਕਿਸੇ ਵੀ ਟੈਕਸਟ ਫ਼ਾਈਲ ਜਾਂ ਸ਼ਬਦ-ਸੂਚੀ ਨੂੰ ਕਾਰਡਾਂ ਦੇ ਡੈੱਕ ਵਿੱਚ ਬਦਲ ਦਿੰਦਾ ਹੈ। ਤੁਹਾਡੇ ਸਾਰੇ ਕਾਰਡ ਤੁਹਾਡੇ ਕਲਾਊਡ ਖਾਤੇ ਵਿੱਚ ਸੰਭਾਲੇ ਜਾਂਦੇ ਹਨ, ਇਸ ਲਈ ਉਹ ਤੁਹਾਡੀਆਂ ਸਾਰੀਆਂ ਡਿਵਾਈਸਾਂ ਉੱਤੇ ਸਿੰਕ ਰਹਿੰਦੇ ਹਨ।

ਮੇਰੀ ਸਲਾਹ ਸਿੱਧੀ ਹੈ: ਸਭ ਤੋਂ ਆਮ ਸ਼ਬਦਾਂ ਤੋਂ ਸ਼ੁਰੂ ਕਰੋ, ਉਹਨਾਂ ਦੇ ਨਾਲ ਮੁੱਢਲੇ ਵਾਕ ਸਿੱਖੋ, ਅਤੇ ਹਰ ਰੋਜ਼ ਥੋੜ੍ਹੀ ਦੁਹਰਾਈ ਕਰੋ। ਤੁਸੀਂ ਅਸਲ ਬੋਲਚਾਲ ਉਮੀਦ ਨਾਲੋਂ ਜਲਦੀ ਸਮਝਣ ਲੱਗੋਗੇ। ਇਸ ਲਈ ਜੋ ਕੁਝ ਵੀ ਚਾਹੀਦਾ ਹੈ, ਉਹ Lingocard ਭਾਸ਼ਾ ਸਿੱਖਣ ਪਲੇਟਫਾਰਮ ਉੱਤੇ ਮੌਜੂਦ ਹੈ।